Sei Diener sogd: „I mechd mehr Ghoidd.“
Da Kini sogd: „Du kriagst gnuag zoid.“
Da Diener: „Dann verlaß i eich
und gründd mei eigns Königreich.“
Ja schbini, sogd da Kini.
Da Kini sogd
Da Kini sogd: „Fia di ois Hund gibds doch zum Maunzn gor koan Grund, weilsdu a Hund bist und koa Katz. Jetz gib a Ruah, sunst ghäasd - derselben.“ Ja schbini, sogd da Kini.
Da Kini sogd
Da Kini sogd: „Oiß wead so deia. Bestimmt denkt se da Pleitegeier: Jetz muaß i aba wirklich los und amoi umefliang ins Schloß.“ Ja schbini, sogd da Kini.
Da Kini sogd
Da Kini sogd: „Wenns koid ist und di frierts ois wiaran junga Hund, paß auf, sunst kriagsd du an Katarr. No oiwei san die Mittel rar.“ Ja schbini, sogd da Kini.
1!3!1!3!
Weil die Zahl 13 in meinem Leben eine gewisse Rolle spielt, ist die Fertigstellung des 1313. Kini-Versals eine kleine Erwähnung wert. Besonders freut es mich, dass Monika auf allerleigedanken.net eine Würdigung deponiert hat. Danke!
1!3!1!3!
Da Kini kauft
Da Kini kauft a goidans Kettl
und schenkds da Kuni. De sogd: „Edl!“
Da Kini frogd, obs ihra gfoid.
„Sog du zerscht“, sogds, „wos hosdn zoid.“
Ja schbini, sogd da Kini.
Da Kini und a Brezn ohne Soiz
„A Brezn ohne Soiz is wia a offne Hausdia ohne Dia, nix andas“, sogd da Kini, „ois a blanka Rolls ganz ohne Royce.“ Ja schbini, sogd da Kini.
Da Kini sogd
Da Kini sogd: „Da Turmbau von dem oidn Stadtal Babylon hod domois übahaupt ned klappt. Warum? De Leid san übagschnappt.“ Ja schbini, sogd da Kini.
Da Kini sogd
>>>Zum 75. Todestag von Karl Valentin >>> Der mich zum Namen Emsemsem inspiriert hat >>> Ein Ja-schbini-sogd-da-Kini-Extra>>>
Da Kini sogd: „Karl Valentin, du bist fia Bayern ein Gewinn, und drum bist du posthum ab heid Kini h.c. auf Lebenszeit.“ Ja schbini, sogd da Kini.
Da Kini schtoipad
Da Kini schtoipad und kippt um. Sei Hax is brocha. Des is dumm. Der Hax kimt in vagipste Fatschn, und bloß mit Gruggan kon a hatschn. Ja schbini, sogd da Kini.
Ja schbini, sogd da Kini 